أغنية شيلة العمر فرصه مع نايف راضي - ناصر العنزي

ياوجودي وجد من طاح في ايدين الخصيم

مجهدين اعداه في طيحته ثم انقرش

اوياوجودي وجد من ضاع بالليل العتيم

في سموم القيض ودع وموته من عطش

اه ياللي كل ماراح مني لي هشيم

كن كبدي كل ماقفيت زاويها محش

المحبه نارها نار والله العظيم

خص لاقامت رحاها تدور اوترتعش

انعشيني فيه باالله ياريح النسيم

لين نفسي من عنا الشوق منها تنتعش

انت لوتدري عن الحال ياعيون العديم

كان ماخليت مثلي ابحبك يبتلش

العمر فرصه ونا دامني عندك مقيم

اغتنم فرصتك بالله يازاهي النقش

خاف ربك مرجع الروح من عقب الرميم

من قبل تذري الذواري وعقبن تندهش

اقبلي مثل التباشير في اعيون اليتيم

ورحلي مثل الجنازه وهي فوق النعش